أقوي الفنيات عند استلام الدهانات

أقوي الفنيات عند استلام الدهانات

السلام عليكم ورحمه الله وبركاته
اهلا ومرحبا بكم اعضاء وزائرى مدونة الشامل الهندسية
نقدم لحضراتكم من خلال هذه المشاركة 
من البنود المهمة اللي المهندس لازم يكون عارفها خطوة بخطوة 
علشان محدش يخدعه وكمان يعرف يستلم كل حاجة بــ اتقان
اولاً سريعاً كدا نعرف طريقة التنفيذ :
النقاشة او الدهانات بتتعمل علي 6 مراحل
اولاً تنظيف الحوائط من شوائب المحارة والاعمال السابقة ليها 
واللي بيقولو عليها الصنايعية المراشمة
ثاني مرحلة بندهن الحيطة بالسيلر المائي بنسبة تخفيف 50%
ثالث مرحلةاننا بندي للحيطة المعجون وبنستخدم فيها خليط مابين المعجون العادي البلاستيك والمعجونة الاسمنتية للصلابة مش بالضرروة نعمل عدد سكاكين المهم انك عندما توجه كشاف او لمبة للحيطة نلاقيها مستوية وملمسها ناعم اياً كان عدد السكاكين.
في المرحلة الرابعة بندي للحيطة وش بلاستيك وبنسميه البطانة
 و المرحلة الخامسة بنشوف الحيطة لو محتاجة اجزاء معجون اللي هو بنسميه
التلقيط وده بيكون بعد تركيب الاضاءة النهائية 
وبعد كده بنيجي للمرحلة السادسة للتشطيب وده برضو اقل حاجه وشين بلاستيك
ـــــــــــــــــــــــــــــــــــــــــــــــــ
1-التأكد من مراشمة الحوائط والصنفرة لتفتيح المسام وازالة اي رايش موجود بالمحارة.
2-استلام التجليخ لسد المسام باستخدام برايمر مع اسلام تخفيفه طبقا للمواصفات وبيانات المنتج  .
3-استلام السكينة الاولي كفرد وتنعيم بعد الصنفرة لكامل الاجزاء.
4-استلام سكينة ثانية عمودية علي اتجاه السكينة الاولي "يفضل بلون مختلف "
 بعد الصنفرة والتنعيم مع ملاحظة تنفيذ الحوائط بعد الاسقف. 
5-استلام البطانة وتلقيط المناطق الخاسة او التي بها اثار سكينة المعجون "ريجة"
 6-التأكد من تمام المعجنة لجميع الاماكن وخصوصا الزوايا والاركان والمناطق العالية بالحوائط 
7-مراجعة نعومة السطح وعدم وجود حصيرة علي المعجون خصوصاً اعلي الوزرات
8- استلام وجه اول دهانات باللون المطلوب والمنتج المعتمد
9- استلام الوجه الثاني مع التأكد من تحرير الالوان باستخدام التيب
10- مراعاة توحيد ملمس الدهان لجميع حوائط الغرفة والتأكد من عدم وجود تسييل للدهانات

Post a Comment

أحدث أقدم